طريقة عمل شكشوكة بالفرن مع السبانخ و جبنة الفيتا

1.2K

الشكشوكة، بيض مطبوخ بصلصة طماطم و خلطة بهارات لا يُعلى عليها. طبق أصوله غالباً من شمال أفريقيا (نعتقد تحديداً تونس بس ما جايين هون لنختلف) لكن محبوب بكل المنطقة العربية.

بس من كام سنة الشكشوكة ابتدت توصل للعالمية. ليه؟ طبق ينعمل بمكونات متوفرة و غالباً موجودة بالبيت معظم الوقت. و سريع التحضير كمان. يلزمكم مقلاية واحدة بس لما تعملوها و هي نفسها اللي تُستخدم بالتقديم يعني مفيش تنضيف وعلّة قلب. تنفع للفطور أو غدا أو أي وجبة لليوم. تعملوا الأساس و بعدين تقدروا تتفننوا ببقية المقادير. ممكن تُقدم بلا خبز بسهولة لتناسب انواع الدايت المختلفة بإمكانكم تحضروا الخلطة و تستعملوها بأي وقت تاني لوجبة سوبر سريعة.

وصفتنا اليوم للشكشوكة ما فيها فلسفة. هاي هي الوصفة الكلاسيكية اللي تنعمل كأساس قبل الإبداع بإضافة اللي تفضلونه. و هاي كمان أفكار لإضافات تانية للشكشوكة.

إضافات الشكشوكة

  • جبنة ماعز
  • الأرضي شوكي
  • الفطر
  • الأفوكادو
  • سجق أو لحمة مفرومة

نضوج البيض

موضوع نضوج البيض هو الشي الوحيد اللي يحتاج شوية تركيز بوصفة الشكشوكة. قرروا كيف تفضلوا درجة النضوج حتى تعرفوا كام وقت تبقى بالفرن. نحن نحبها وسط يعني الصفار نحبه لسه طري لذلك نتركها ٨ دقائق بالفرن. انتبهوا كمان انه البيض يكمّل نضوجه حتى بعد ما تطلع من الفرن لذلك تُقدم على طول.

مكونات الشكشوكة

طريقة عمل الشكشوكة

الشكشوكة لتنعمل بالفرن بدها مقلاية مناسبة للفرن تكون يد المقلاة مقاومة للحرارة. لو مش موجودة بسيطة، نستخدم مقلاة عادية و رح نوضح كيف تعملوا آخر جزء من غير فرن. لو عم تستعملوا مقلاية مناسبة للفرن نحمّي الفرن لدرجة حرارة 180°C. لو المقلاة عادية اتركوا الفرن بحاله. نسخّن زيت الزيتون على نار بين متوسطة و عالية و نضيف الفلفل الناشف (إختياري) و الكمّون. نحمّص البهارات 15 ثانية قبل إضافة المكونات. نضيف البصل و الفليفلة الحلوة و الملح و الفلفل الأسود و نقلب 5-6 دقائق.

نوطّي الحرارة لوسط و نضيف الثوم المهروس و نُقلب لأقل من دقيقة. نضيف الطماطم و بعد الغليان نوطّي الحرارة و نتركه يتسبّك 15-18 دقيقة. ما نغطّي المقلاية هنا لأنه المطلوب انه تتبخّر بعض السوائل من الطماطم. و ما تتركوها لوحدها خليكم قراب حتى لا تنحرق. لو النار كانت عالية زيادة و السوائل اتبخرت بسرعة تقدروا تضيفوا القليل من الماء لتُنضج الطماطم. تعرفوا انها جاهزة لمّا الصلصة تحسّوها ماسكة نفسها و تقدروا تحفروا فيها حفرة*.

نضيف السبانخ (إختياري) و نحركه دقيقتين ليدبل. (بحالة استخدام السبانخ المُجمد، نذوّبة بمصفاة و نصفّي المياه منه جيداً قبل الإضافة للصلصة.

ناخد نفس عميق. المرحلة هاي بدها سرعة. رح نحمل حُفر بالصلصة بعدد البيض و نفقس البيض بداخل الصلصة. و ما تنسوا شوية ملح و فلفل فوق الصفار بعد الفقس.

*ملحوظة مهمة عن الحفر، بدنا نعمل حُفر عريضة و مش غميقة كتير. لو الحفرة وصلت للمقلاة الصفار يكون أقرب للنار و بالتالي يُنضج أسرع و ما تقدروا توصلوا لنضوج متوسط.

ناخد نفس عميق. المرحلة هاي بدها سرعة. رح نحمل حُفر بالصلصة بعدد البيض و نفقس البيض بداخل الصلصة. و ما تنسوا شوية ملح و فلفل فوق الصفار بعد الفقس. رح تلاقوا البياض ابتدى يبقبق. لو بتستعملوا الفرن تغطّوا المقلاية و تحطوها بالفرن 7-12. 7 دقائق يعطيكم صفار سائل تماما. و 12 دقيقة تعطيكم صفار جامد مطبوخ زيادة. طريقة لتفحصوا وضع الصفار انه ترقّصوا المقلاية شوي و تشوفوا حركة البيض. لو عم تطبخوها عالنار و بلا فرن تاخد وقت أقل. 6-8 لصفار لزج و دقيقتين أكتر لنضوج كامل. الشكشوكة رح تستمر بالنضوج بعد ما نرفعها عن النار انتبهوا لهالشي بحساباتكم.

لو عم تطبخوها عالنار و بلا فرن لازم تغطوها و تاخد وقت أقل. 6-8 دقائق لصفار لزج و دقيقتين أكتر لنضوج كامل. الشكشوكة رح تستمر بالنضوج بعد ما نرفعها عن النار انتبهوا لهالشي بحساباتكم.

بعد ما نرفع الشكشوكة عن النار نفتفت جبنة الفيتا و الكزبرة أو البقدونس و تُقدم مع خبز عربي، سيميت تركي أو حتى خبز فرنسي.

بحال استخدام طماطم طازجة بدل العلب, 500 غرام طماطم مستوية مفرومة ناعم، ربع كوب ماء و ملعقة كبيرة معجون طماطم. التفاصيل بالوصفه تحت بقسم الملاحظات

شكشوكة بالفرن مع السبانخ و جبنة الفيتا

عدد الحصص 6 حصص
وقت الإعداد 15 minutes
وقت الطبخ 30 minutes
الوقت الكلي 45 minutes

المقادير

  • 6 بيضات
  • 5 م.ك زيت زيتون
  • 1 ½ م.ص كمون
  • ½ م.ص ملح
  • ½ م.ص فلفل أسود
  • ½ م.ص فلفل احمر حار ناشف إختياري
  • 1 بصلة مقطعة ناعم
  • 1 فلفل حلو (احمر او اصفر) لو مش متواجد أخضر
  • 2 حصوص ثوم مفرومة ناعم
  • 1 كوب سبانخ
  • 2 علبتين طماطم مقطعة بحال استخدام طماطم طازجة، 500 غرام طماطم مستوية مفرومة ناعم، ربع كوب ماء و ملعقة كبيرة معجون طماطم.
  • 1/3 كوب جبنة فيتا مفتتة
  • 2 م.ص كزبرة مفرومة أو بقدونس

الخطوات

  • نحمي الفرن على درجة حرارة 180
  • نضع الزيت و نضيف الفلفل الحار و الكمون و نحمص 15 ثانية. *بحال استخدام طماطم طازجة اقرأ للملاحظات ادناه لتفصيل الثلاث خطوات القادمة
  • نضيف البصل، الفلفل الحلو، الملح و الفلفل و نقلب على حرارة وسط 5-6 دقائق.
  • نوطّي الحرارة لوسط و نضيف الثوم المهروس و نُقلب لأقل من دقيقة. 
  • نضيف الطماطم و بعد الغليان نتركه يتسبك على نار هادئة 15-18 دقيقة. حتى يتبخر معظم السوائل و يصل لدرجة صلصة متماسكة.
  • نضيف السبانخ و نقلب لدقيقتين ليذبل.
  • نحفر حُفر بالصلصة بعدد البيض و نفقس كل بيضة بحفرتها مع مراعاة أن يكونوا الحفر واسعين و مش عميقين جداً. نملح الصفار بعد إضافة البيض و نضبف القليل من الفلفل الأسود.
  • ننقل الشكشوكة للفرن و نتركها 7-12 دقايق حسب درجة النضوج المطلوبة. بحال استخدام مقلاة غير مقاومة لحرارة الفرن نغطيها و نتركها على نار هادئة وقت أقل 6-8 دقائق.
  • رش كل الفيتا و الكزبرة على وجه الشكشوكة و تقدم ساخنة

ملاحظات

بحال استخدام طماطم طازجة*
نضيف البصل، الفلفل الحلو، الملح و الفلفل و نقلب على حرارة وسط 5-6 دقائق. نضع الثوم المهروس و نقلب 15 ثانية ثم نضيف ملعقة كبيرة معجون الطماطم و نقلب لدقيقة أو دقيقتين 
نضيف الطماطم و ربع كوب ماء و بعد الغليان نتركه يتسبك على نار هادئة 15-18 دقيقة. حتى يتبخر معظم السوائل و يصل لدرجة صلصة متماسكة
ارجعوا للوصفة لاستكمال بقية الخطوات
 
الوجبة: Breakfast, Main Course
المطبخ: Middle Eastern

ملاحظات

للتحضير المُسبق (مثلاً جايين ضيوف الصبح بس ما بدكم تقضوها بالمطبخ

  • للتحضير المُسبق (مثلاً جايين ضيوف الصبح بس ما بدكم تقضوها بالمطبخ، تقدروا تحضروا الصلصة قبل بنهار (من غير إضافة السبانخ) و تخلوها بالبراد. وقت الطبخ تطلعوها من البراد لتدفى، تحموها عالنار و تكملوا بقية الخطوات.
  • ينفع كمان انه تُحضر بأطباق تقديم صغيرة، نوزّع مزيج الخضار على اواني صغيرة مقاومة للحرارة للتقديم الفردي. جربتو هالوصفة؟ اتركولنا تعليق و خبرونا رايكم. و لو اتفاخرتو عالسوشال ميديا اعملولنا تاغ #thetablediaries و خبرونا شو كانت اضافاتكم.

جربتو هالوصفة؟ اتركولنا تعليق و خبرونا رايكم. و لو اتفاخرتو عالسوشال ميديا اعملولنا تاغ #thetablediaries و خبرونا شو كانت اضافاتكم.

اترك تعليقاً

Your email address will not be published. Required fields are marked *

تقييم الوصفة




Close
© 2022 حكايات طاوله. كل الحقوق محفوظة.
Close